item 1. תמזנהה זרס Mysterium fidei tractatus Kabalisticus Abenesrae: in eodem volumine incipit, Kiddusc seu formula laudandi Deum, quam scripsit Moses Remos de Majorica, Confessio bona recitanda ab infirmo in strato suo.
item 2. Oratio quam edidit Salomon ben Isahac F. M. Ut Deus nos liberet ab omni poena: sequuntur aliae preces, sine nomine authoris. Haec alia manu. Ecce novellae decisiones, quas scripsit Doctor Sechiel Joah. ben. Uziel super ........... librum praeceptorum, quem composuit ille Doctor Hanascia ben Mosis Gallus F. M. librum * samagalii codices tribuunt Mosi b. R. Jakob. Mikottzi. Hispano. Doctores, qui ab Sechiele hujus operis compilatore laudantur, sunt Rasci Isaïas Rescion, Israël Astarlin Veronensis, & Azariel ben Uziel Tarcuck Gallus, qui, & lumen, & columna transmigrationis appellatur. Isaïas Harescion est ille fortasse Isaïas filius Eliae, qui ex operibus Rambam, & Rasci, & aliorum doctam epitomen Judaïci Juris collegit.
item 2. In numeris sequentibus occurrunt varii tractatus de Kabala, qui cum praeter hujus ineptae artis commenta nihil sani contineant, eos consulto praetermisi.
item 3. IV. Codex Ms. Turcicus in charta bomb. in-fol. parvo, sine titulo, & nomine authoris, continet Theologiam Arabum de divinis attributis, & in selecta Alcorani loca commentaria quibus elogia Mahometis, & ejus sociorum praemittuntur omnia Turcico metro digesta sunt.
item 4. V. Alcoranus nitidissime scriptus in-octavo, sine ulla nota temporis.
item 5. VI. Alcoranus elegantissimè scriptus recentiori charact. in charta bomb. in-octavo.
item 6. VII. Decisiones Jakub ben Sahid Hali, continet responsa sapientum Arabum {413}ad varios casus Mahomedanitae Religionis.
item 7. VIII. Alcor. Codex optimae notae, charactere antiquo Africano eleganter scriptus in perg. & bene conservatus.Nota Librarii: explicit liber excelsus in quem error cadere non potest, laus Deo die decimo Giamadi secundi an. 621. Egirae. Hujus codicis aetas superat ann. quadringentos quinquaginta.
item 8. IX. Alcoran. Cod. Ms. in quarto in char. bomb. charactere recenti. Nota Amanuensis: Explicit exeunte Ramadan; nec annus, nec nomen Librarii notatur.
item 9. XII. Alcor. eleganter scriptus: nota Amanuensis scripsit Sciamseddin Librarius de Hamblan anno 898. Egirae.
item 10. XVII. Exemplorum liber, tractatus Ethicus, in quo praecepta quaedam adductis illustrium virorum exemplis comprobantur, fabulis scatet. Codex Turcicus, & nitidissimè scriptus in chart. bomb. in quarto.
item 11. XX. De ascendente Geniti. Titulus Arabicus; sed tractatus Turcicus de genituris, & apotelesmatibus, de diebus fastis, & nefastis, ex Arabum officina in Turcicum sermonem deductus. Cod. nitide scriptus in charta bomb. in-8.
item 12. XXI. Preces ex Alcorano decerptae cum aliis precatiunculis, partim Arabico, partim Turcico sermone digestis, cod. Ms. in charta bomb. in-fol.
