PLUTEUS SECUNDUS.

• item 1. I. Biblia Hebraea cum suis expositoribus, quos inter R. Benjamin de quo sic Pirusc, seu expositio literalis Divre iamim, seu Paralipomenon sapientis Raco Benjamin viri Romani faustae memoriae. Est brevis commentarius, seu Verius annotationes in eumdem librum: haec elucubratio una cum suo authore excidit Bibliographis Hebraeorum. Apud eosdem invenies Benjaminum Romanum filium Judae, ejusque meminit Bachur, censeturque author commentarii in Grammaticam Mosis bar Joseph Kimki; sed omnino alius est ab hoc nostro, cum inter utrumque duo fere saecula intercesserint. In fine codicis: Ego Salomon filius Doctoris Chaldai scripsi haec cum suis expositoribus in gratiam honorabilis & excelsi Doctoris Benjamin, filii illustris Rabi Menachem, de Kornaldo & complevi hos 24. libros opera manuum mearum, punctuationem, & concordantiam, & expositiones Rasci Abenezrae, David Kimkhi, & Levi ben Gherscion: memoria eorum in benedictione sit mense Casleu (Decembris) anni quinque millesimi centesimi quinquagesimi septimi a creatione mundi juxta computum, quem nos computamus, (Christi 1397.) apud Ferrariam, quae est ad flumen Padum; & numerus quaternionum ad numerum hujus vocis cha ak nempe 115. Benedictus misericors ille, qui adjuvit nos a principio huc usque ad calcem Alessandro Scipione Reveditor 1598. Inferius. Ego F. Renatus Mutina Ordinis Capucinorum correxi 1626. Iste Frater Renatus fuit Neophytus, qui relicta Judaïca superstitione, suscepit, & unà cum Abrahamo Jaghel Hebraeos codices multos, & recensuit, & expurgavit.
  [+]

  Conservation : Firenze, BML, ms. Plut. 02.01 (image)

  Attestation :

• item 2. II. Liber lucis, seu splendoris. Tractatus Cabalisticus inchoatus a R. Simeone 5. Jochai ut ferunt Hebraei, & ab ejus discipulis perfectus. In eo Cabalisticae artis, & Rabbinicae Theologiae fontes aperiuntur, ex quibus infinita illa errorum colluvies profluxit Cabalistarum somniantium, quorum lucubrationes inferius indicatas suo ordine leges. Codex editus Cremonae apud Vincentium Contium anno mundi 5319. Christi 1559. in-fol. Prodiit deinde cum aliis editionibus Cracoviae, & alibi, sed nostra editio correctior.
  [+]

  Conservation : Firenze, BML, ms. Plut. 02.02 (image)

  Attestation :

• item 3. III. Mekor Chaiim, fons vitae; Autor R. Samuel Aben Sena, seu Samuel aben Zartza, utrumque enim nomen usurpat. Est supercommentarius expositionis Abenesrae in Pentateuchum. {245}Locupletatur animadversionibus, seu glossariis R. * Abba; hoc est R. Abraham ben Ascher Galilaei de urbe Saphet, qui in primos libros Rabbot, seu Genesi, & Exodi. scribit: item R. Samuelis aben Tybbon Granatensis, Philosophi Peripatetici, & R. Scem Tou ben Palkera, excusus Mantuae anno 366. minoris supputationis Christi 1606. studio, & cura R. Samuelis Caziz.
  [+]

  Conservation : Firenze, BML, ms. Plut. 02.03 (image)

  Attestation :

• item 4. IV. Visio dura, liber damnatae lectionis. R. Isahak filii Mosis filii Meir impressus Sabionetae anno Judaïco 312. minoris supputationis nostro 1552. in 4°. apud Tob Roach; agit de creatione hominis: Philosophum affectat, & Philosophiam laudat Rambam secutus, Christianis & Mahometanis aeque infensus, in utrosque insurgit.
  [+]

  Conservation : Firenze, BML, ms. Plut. 02.04 (image)

  Attestation :

• item 5. V. Portae lucis Harrig. id est R. Joseph Gigatella ab Orientalibus vulgo Hammekubal, seu Kalalista dictus, scripsit hunc tractatum in quo omnia fere Judaeorum Theologiae arcana explicantur: multa hic habes de divinis attributis, de nominibus Dei, ejusdemque Sephirot. Noster codex est ms. in 4°. sed olim jam saepe editus Mantuae, Venetiis, Rivae Tridentini, & alibi teste Hamezoter de Praga. Liber minime fallens lectorem, & dignus qui a Paulo Riccio Latine redderetur.
  [+]

  Conservation : Firenze, BML, ms. Plut. 02.05 (image)

  Attestation :

• item 6. VI. Elucidatio precum; Multarum aliarum elucubrationum author R. Jehuda b. Moysis, b. Danielis, Philosophus, & celebris scripturarum Scholiastes, scripsit hunc commentarium in preces Judaïcas, quas in Slichot, & Bakkesciot dividit, & erudite exponit: porro cum varii sint pro varietate regionum precandi ritus, & formulae, noster author Hispanum Machazor cyclum, seu εὐχολόγιον sequitur. Nectitur his in eodem compactum volumine volumen alterum, cui titulus:Commentarius in Hexameron; hujus operis authorem facit Bartholoccius eumd. Schudam, sed fallitur, cum se non authorem, sed interpretem idem Schudas ad calcem commentarii clarissime fateatur. Hanc elucubrationem in indicibus Biblioth. Vaticanae inter ms. legi, nec alibi editionis locus apparet, quare inedita merito censeri potest, quod vix dubitare possumus de altera expositione precum, quam ante attigimus, cum illa censoribus codicum Hebraïcorum Buxtorfio inquam Plantavitio, Hammester de Praga, & aliis omnibus incognita sit. Quod evidens etiam raritatis nostri codicis argumentum est, cod. ms. in-fol.
  [+]

  Conservation : Firenze, BML, ms. Plut. 02.06 (image)

  Attestation :

• item 7. VII. Semita vitae. Hujus codicis author est Joseph Karo b. Ephraïm Hispanus insignis Jurisconsultus, & Synagogae Japhet, cum olim floreret, Archisynagogus qui audire meruit apud suos Mophet Addor, aevi miraculum, quod Nicolai Damasceni olim elogium fuit. Scripserat antea R. Jacob bar Ascer quatuor libros nempe ordinum titulo insignitos, quibus totam Judaïci ritus summam complexus fuerat: hanc eandem methodum secutus noster Joseph Karo totidem volumina edidit in idem argumentum cum scholiis, & animadversionibus in textum ejusdem R. Jacob, titulus itaque primi voluminis, Semita vitae quem hic notamus, reliquos inferius suo loco. In hac parte prima sui operis ea omnia persequitur, quae ad ritus sacros spectant, haec sunt benedictiones, preces, lectiones, solemnitates Neomeniae, jejunia, & quaecumque alia ad Coronam legis, & Sacerdotis attinent, ut Hebraei Doctores loquuntur. Haec omnia partim ex traditione Cheneset Haghedola Synagogae magnae, partim ex utraque gamara, alia denique ex Mischna, id est, summa R. Hakkadosc, & antiquis Jurisconsultis Judaeis consarcinavit, pleraque superstitiosa, & sacro textui contraria. Codex impressus Venetiis in aedibus Pragadini, anno 324. min. supp. in-fol. magno, apud Joannem de Gara characteribus Bombergianis.
  [+]

  Conservation : Firenze, BML, ms. Plut. 02.07 (image)

  Attestation :

• item 8. VIII. Pectorale judicis. Altera pars operis Joseph Karo volumen quartum, in quo agitur de iis omnibus, quae ad judicia, & forum contentiosum spectant, puta de juramento, de testibus, de contradictorio, de mandato procurandi, de contractibus emtionis, venditionis, & caetera; ubi plura de solemnitatibus contractuum aliisque ritibus, quae lectori legere grave minime sit, & adducta a nostris authoribus inveniat. Codex impressus Sabionetae an. 319. min. supput. in-fol. magno, apud Tob. Phoah.1commentaireIl codice è stato spostato da A. M. Biscioni, catalogatore dei manoscritti orientali della BML, per stabilire la successione corretta dei testi contenuti in questo e nei successivi due codici (cfr. Biscioni, 1752, p. 40 e 69).
  [+]

  Conservation : Firenze, BML, ms. Plut. 02.10 (image)

  Attestation :

• item 9. IX. Lapis adjutorii. Volumen tertium Joseph Karo, titulus ex capite lib. primi Regum congruit argumento libri, in quo agitur de uxore, quae viri adjutorium est, Gen. cap. 2. ubi de matrimoniis, de instrumento dotali, de repudio, de lege fratris defuncti sine liberis, de votis Nazareatus & caet. Venetiis an. 202. min. supput. eodem Joseph auctore vivente.
  [+]

  Conservation : Firenze, BML, ms. Plut. 02.09 (image)

  Attestation :

• item 10. X. Thorator, lex lux. Titulus exterior corrigendus R. Joseph b. Doro David ben Jachina Lusitani: commentarius in omnes Hagiographos, nempe Psalmos, Salomonis libros, Danielem, Hezram: ex his non pauca edidit, & adnotationibus eruditis locupletavit Constantinus Lempereur ab Oppyck excusus Bononiae. 298. min. supp. Christi an. 1538.2commentaireIl manoscritto è stato spostato da A. M. Biscioni, catalogatore dei manoscritti orientali della BML, per accostare codici contenenti opere dello stesso autore e di argomento analogo (cfr. Biscioni, 1752, p. 40 e 70).
  [+]

  Conservation : Firenze, BML, ms. Plut. 01.48 (image)

  Attestation :

• item 11. XI. Commentarius in primam, & secundam partem Moysis Bar Majemon. Codex eleganter scriptus, & rarus, sed in secunda parte desunt cap. 44. Author hujus commentarii Salomon b. Moysis b. Salomonis, Bibliographis incognitus, quod evidens indicium est raritatis. In prooemio haec habes. Expositio quam fecit sapiens perfectus R. Moses bar Salomonis in unam & alteram partem Doctoris perplexorum Rambam, & illam descripsit Isaïas filius ejus cum tertiam partem non potuisset perficere morte praeventus. Liber Majemonidis quem hic commentator suscepit exponendum, est, ut habes ex modo dictis, celebris Doctor perplexorum qui ab Authore Arabice scriptus, Hebraïce, & Latine redditus, utriusque nationis ingenia exercuit, quorum studio, & labore in lucem prodiit, saepissime doctis locupletatus adnotationibus, sed cum in nulla editione appareat noster commentator, ineditum suspicor. In Commentario hujus primae partis cum authore Commentator tractat de nominibus analogis, & aequivocis, quae recurrunt in sacris literis & praesertim apud Prophetas, locus sane perutilis. His disputationem innectit de Prophetia, de coelo, mundo, & Angelis. Secunda pars periit exceptis quatuor primis capitulis, ubi de Deo Creatore & Motore.
  [+]

  Conservation : Firenze, BML, ms. Plut. 02.11 (image)

  Attestation :

• item 12. XII. Hagiographi, codex optimae notae, & {246}antiquitatis non contemnendae, etsi nonnulla desiderentur. Ms. in-fol. min. in membranis.
  [+]

  Conservation : Firenze, BML, ms. Plut. 02.12 (image)

  Attestation :

• item 13. XIII. Expositio literalis Psalmorum Ms. in membranis in 4°. Anonymi charactere Rabbinico Hispano.
  [+]

  Conservation : Firenze, BML, ms. Plut. 02.13 (image)

  Attestation :

• item 14. XIV. Selectae Margaritae, liber Ethicus, complectitur Apophthegmata ex Arabum & Graecorum libris decerpta; titulus Arabici commatis Arabem authorem indicat; hic est R. Salomon b. Ghebirol, qui hanc collectionem Arabice scripsit. Hanc deinde celebris Arabicorum librorum interpres R. Moses Aben Tybbun, sive Tabbun Granatensis Hebraïce reddidit. Impressus Cremonae an. 318. supput. min. Christi 1558. in 4°. apud Vincentium Contium.
  [+]

  Conservation : Firenze, BML, ms. Plut. 02.14 (image)

  Attestation :

• item 15. XV. Fons Sapientiae, codex in officina Kabalistarum elaboratus, solemni deinde mendacio Archangelo Michaëli inscriptus. Hic est liber, inquit Impostor in prooemio, quem tradidit Angelus Michaël Angelo Sophieli, & Angelus Sophiel Moysi; agit de nomine Dei ineffabili Tetragrammato methodo Cabbalisticis involucris inextricabili. Liber proscriptus, & tenebris damnatus, quem nondum lucem vidisse puto. In indicibus Vaticanae Bibliothecae habetur alterum hujus operis exemplar. Huic nectitur in eodem volumine Paradisus Heden R. Joseph Pigatellae. Sequitur Liber fidei R. Scem Tob Lugdunensis.
  [+]

  Conservation : Firenze, BML, ms. Plut. 02.15 (image)

  Attestation :

• item 16. XVII. Lapis Lydius. Auctor Scem Tob B. R. Isaak, acerrimus nostrae Religionis hostis, qui praeter alios libros contra Christianorum fidem elucubratos, hunc etiam scripsit, quem in aliquot tractatus partitus est, atque in hoc Judaeis suis notas exhibere se jactat, quibus velut Lapide Lydio veram a falsa religione discernere queant. Huc pertinent ea, quae de adventu Messiae congerit ex scripturis, quod praecipuum hujus operis argumentum videtur, ut inde Christianos erroris redarguat, & Judaeorum alterum Messiam exspectantium persuasionem statuat. His subjicit apologiam pro Josepho Kimchi contra quemdam Magistrum Alphonsum, quem Religionis desertorem per ludibrium vocat. Hic impugnaverat librum Belli ab eodem impio Joseph contra Religionem Christianam conscriptum; ejus itaque πρόμαχον in hoc opere se sistit: scriptor flammis adjudicandus. In fine nonnulla exciderunt.
  [+]

  Conservation : Firenze, BML, ms. Plut. 02.17 (image)

  Attestation :

• item 17. XVIII. Expositio literalis currus Ezechielis, Anonymi ms. in 4°. in eodem compactum volumine. Fons sapientiae de quo supra no. 15. ms. in 4°. huic nectitur in idem argumentum tractatus R. Simeonis, in quo de futura felicitate & restitutione Judaeorum plura, ms. in 4°. sed olim impressus cum sex aliis tractatibus de Kabala.
  [+]

  Conservation : Firenze, BML, ms. Plut. 02.18 (image)

  Attestation :

• item 18. XIX. Targum Chaldaïcum cum Onkelos in Pentateuchum eleganter scriptum in membranis, exciderunt capita 22. ex Genesi.
  [+]

  Conservation : Firenze, BML, ms. Plut. 02.19 (image)

  Attestation :

• item 19. XX. Lumen intellectus. Auctor R. Abraham Hispanus, qui inter Arabes versatus Arabicum cognomen Abulhasia invenit, celeberrimus Kabalista imo famosus impostor: vide dicenda inferius, ubi de ejusdem commentatione nobis sermo recurret; quod attinet ad praesentem tractatum in fuit a suis maxima cum admiratione exceptus, & elaboratis commentariis illustratus: agit de nomine Dei, quod ineffabile dicunt, consueta Kabalistarum methodo, qua unice fortasse displicebit, reliquae lectorem non male occupaverint. Ms. alterum exemplar invenio in saepe laudatis indicibus Bibliothecae Vaticanae in eodem volumine.
  • item 1. Liber unius. R. Ab. b. Meir Abenezrae; tractat de virtute numerorum ab uno ad decem. Subsequitur in eodem codice Corona nominis boni. Dividunt Hebraei totum Pentateuchum in 54. Paradcias, seu sectiones ex quibus capitula decernunt singulis anni Sabbatis legenda in Synagogis. In capitula scribit stylo oratorio, & eleganti commentaria, seu homilias noster Author Icem Tov bar Abraham b. Jehuscah, bar Icaul, bar Mosceh, bar David, bar Abraham b. Gahon. Noster cod. ms. est, sed olim editus fuit Venetiis an. Christi 1601. Praemittitur Tractatus eodem titulo insignis in 10. Sephirot, seu perfectiones divinas ex penu Kabalistarum a quodam Anonymo erutus.
  [+]

  Conservation : Firenze, BML, ms. Plut. 02.20 (image)

  Attestation :

• item 20. XXI. Quaestiones & responsa Nissim filii Ruben Gerundensis: codex ms. in 4°. anno 5222. a creatione, sed olim excusus Romae & Constantinopoli Selimo imperante.
  [+]

  Conservation : Firenze, BML, ms. Plut. 02.21 (image)

  Attestation :

• item 21. XXII. Lances justitiae, seu statera justa; liber ethicus ex Arabico in Hebraïcum sermonem conversus a celebri codicum Arabicorum interprete R. Abraham b. Chasdai. Autor Arab Abu Achmad Algazelus, de quo supra. Dividitur in 32. sectiones, argumenta Moralia tractat, & multa in laudem sapientiae congerit, quam esse definit ultimam hominis felicitatem, paucis deinde ad fidei articulos digreditur, ms. in pergameno.
  [+]

  Conservation : Firenze, BML, ms. Plut. 02.22 (image)

  Attestation :

• item 22. XXIII. Liber creationis, mas oscuro que las Soledades de Gongora, & ob suam obscuritatem Thesaurus clausus a suis admiratoribus appellatur Auctor est R. Achiba juxta saniorem sententiam, etsi Patriarchae Abrahamo ab imperita Judaeorum schola tribuatur. Ex libris Sezira, & Zoar, quotquot de Kabala scripserunt, quorum plurimi in hoc indice recensentur, tamquam ex turbido fonte biberunt Theologiam suam, ad quam lectores suos ducere contendit author triginta duabus semitis, quas in 22. literis Alphabeti, & in decem Sephirot constituit. Saepius editus, & quidem in Parisiensi editione Hebraïce & Latine, opera & studio Gulielmi Postelli. Nostra editio locupletissima in qua ultra ipsum textum Sezira habes ejusdem commentatores, Harravad, R. Abraham b. David, Harramau hoc est R. Moysen Botril, Harramban, hoc est, R. Moysen b. Nachman, Eleazarum de Garnysa, & R. Sahadiam Hagaon cum duplici praefatione altera Harravad, altera Harramau in 4°. apud Jacobum Cohen.
  [+]

  Conservation : Firenze, BML, ms. Plut. 02.23 (image)

  Attestation :

• item 23. XXIV. Expositiones literales in Prophetas posteriores. Nempe Isaïam, Jeremiam, Ezechielem, 12. minores, & in libros Job, Samuelis, & Regum. Omnes sine nomine authoris, sed expositio in Jeremiam & Ezechielem est R. Salomonis, etsi ejusdem nomen non praeferat: illa in Samuelem omnino non est Rasci, sed alterius posterioris, cum idem citetur in prooemio, sub initium habes fragmentum commentarii in lib. Judicum. Liber Job ultimus est in codice, codex in 4°.
  [+]

  Conservation : Firenze, BML, ms. Plut. 02.24 (image)

  Attestation :

• item 24. XXV. Expositio literalis currus Ezechielis: prolixo commentario illustratur primum caput {247}ejusdem Prophetae: in eodem volumine binae dissertationes brevissimae altera, in Isagogem Porphyrii, altera in Aristotelis Categorias, ubi de praedicamento substantiae tantum, codex Hebr. ms. in 4°.
  [+]

  Conservation : Firenze, BML, ms. Plut. 02.25 (image)

  Attestation :

• item 25. XXVI. Lux populorum. Complectitur varias conclusiones, & Theologicas, praecipue circa Dei Providentiam, adversus Epicureos, & de anima. Dividitur in 15. quaestiones, auctore R. תורה אור Lex lux, ejusdem R. David b. Sechia. Tractatus Theologicus de immortalitate animae, & vita beata; de Paradiso Terrestri, de justorum praemio, & iniquorum poena in saeculo futuro. Imolae scriptus, & excusus Bononiae an. 5298. a creatione.
  [+]

  Conservation : Firenze, BML, ms. Plut. 02.26 (image)

  Attestation :

• item 26. XXVII. Vexillum Amoris, cum expositione Anonymi: titulus desumtus ex Canticis 2. 3. Putat Bartolocius esse R. Samuelis b. Helchanan de Arkavolti. In editione tamen nostri codicis, quae Veneta est anni Judaïci 311. dicitur tantum inventus in Bibliotheca ejusdem Samuelis, sine nomine authoris, & expositoris. Libellus Ethicus de contemtu mundi stilo elaboratus Venetiis an. 5311. in eodem volumine sine nomine auctoris & expositoris: constitutiones usu receptae de mactatione animalium pro cibo R. Meir Rotenburgensis. Excusus Ferrariae.
  [+]

  Conservation : Firenze, BML, ms. Plut. 02.27 (image)

  Attestation :

• item 27. XXVIII. Epistola animalium, Kalonimo ex familia Kalonimon interprete, qui ex Arabico in Hebraïcum transtulit, quem ex Graeco in Arabicum verterat Abu Alsapha, & ex Arabico Turcicum fecerat Amani. Liber Latinis non displicebit, qui tot nationibus placuit, si accuratum interpretem inveniat. Excusus Mantuae, in-quarto. In prooemio operis. Scias, inquit interpres, hanc esse partem ex magno, & prolixo opere Arabico; translationem absolvisse se dicit anno 5076.
  [+]

  Conservation : Firenze, BML, ms. Plut. 02.28 (image)

  Attestation :

• item 28. XXIX. Basilica orantium, hymni Hebraïci ad ritus Judaïcos spectantes cum interpretatione Italica R. Samuelis de Castro novo, quibus subjicitur supplicatio in die circumcisionis juxta ritum Judaeorum Romanorum, codex Hebr. msc. in-16. sed olim excusus Venetiis. In fine fragmentum scutellaeargenteae R. Samuelis.
  [+]

  Conservation : Firenze, BML, ms. Plut. 02.29 (image)

  Attestation :

• item 29. XXX. Ordo precum, seu Εὐχολόγιον Hispanum Venetiis anno 5306. in-16.
  [+]

  Conservation : Firenze, BML, ms. Plut. 02.30 (image)

  Attestation :

• item 30. XXXI. Quaesita & responsa legalia R. Meir ben Baruch. cod. Hebr. excusus Venet. an. 316. min. supp. & alibi inter Commentarios Rav Alphes opera, & studio R. Mordacai: ex his, inquit titulus, decerptae sunt magna ex parte, Animadversiones in libros 14. Hajiad R. Moysis Aegyptii quas R. Meir Hacohen tribuit auctor Juchaiin.
  [+]

  Conservation : Firenze, BML, ms. Plut. 02.31 (image)

  Attestation :

• item 31. XXXII. Liber candidus, seu illustris, & splendidus, hoc titulo nequaquam indignus. In quo plurima mysteria de adventu Messiae, aliisque Christianae veritatis articulis explanantur; Auctor R. Nechonia b. Hakkanna celebris inter Hebraeos doctor. Hunc floruisse nonnulli ferunt ante Christi adventum, alii tamen eidem superstitem faciunt, & Apostolo Paulo σύγχρονον. Ineditus, ex quo tamen plura a Kabalistis citata, ac pervulgata reperies, cod. msc. cum praefatione R. Eliezer b. Orkanos, cod. Hebr. in papyro, in-quarto.
  [+]

  Conservation : Firenze, BML, ms. Plut. 02.32 (image)

  Attestation :

• item 32. XXXIII. Tabernaculum refugii, Lexicon. Synonymorum R. Salomonis b. Abraham b. Samuelis de Urbino. Excusum Venetiis anno 5308.
  [+]

  Conservation : Firenze, BML, ms. Plut. 02.33 (image)

  Attestation :

• item 33. XXXIV. Tractatus de festis Judaeorum cum tabulis Tekuphot, & Hibbur Anonymi. In eodem volumine Gemmae electissimae de quo supra... msc. in-quarto, caret principio, & fine.
  [+]

  Conservation : Firenze, BML, ms. Plut. 02.34 (image)

  Attestation :

• item 34. XXXV. Epistolae familiares variorum. Insignis est Epistola R. Israëlis Hierosolymitani ad Abrahamum Perosa, & ad eumdem altera Raphaëlis ex eadem urbe, msc. in-quarto.
  [+]

  Conservation : Firenze, BML, ms. Plut. 02.35 (image)

  Attestation :

• item 35. XXXVI. Obligatio cordium Authore R. Bechai Haddaian. Judaeus Arabs Arabice scripsit, ex Arabico R. Judas b. Saül Aben Tybbon Granatensis hanc Hebraïcam editionem adornavit. Liber Theologicus, in eo insignis locus de praestantia animae rationalis, & alter de mundi contemtione & amore Dei, cod. Hebr. impressus Cremonae an. 5316.
  [+]

  Conservation : Firenze, BML, ms. Plut. 02.36 (image)

  Attestation :

• item 36. XXXVII. Liber lucis. Tractatus Kabalisticus Anonymi nunquam excusus, inquit Plantavitius, cod. msc. in pergameno, in-quarto.
  [+]

  Conservation : Firenze, BML, ms. Plut. 02.37 (image)

  Attestation :

• item 37. XXXVIII. Liber splendoris, est pars secunda operis Raïsbi, vide supra. Sequitur, Liber mysterii, tract. Kabalisticus.
  [+]

  Conservation : Firenze, BML, ms. Plut. 02.38 (image)

  Attestation :

• item 38. XXXIX. Fons hortorum in 5. canales effusus. Quinquaginta Epistolae familiares, quarum viginti quinque habent adnexas responsiones; liber Philologis scriptus eleganti, & elaborato stylo a R. Samuele Arkavolti. Cod. Hebr. impressus Venet. anno 313. Christi 1553. in-octavo. In eodem volumine Vsus psalmorum verius abusus psalmorum; libellus ab ipsis Judaeis damnatus ad profanos, & superstitiosos usus, verbo Dei abutens, ex quo nonnulla Curatus quidam in Gallia edidit in suo tract. de Geomantia, & caet. Sequitur Testamentum Judae Hechasid, continet varia praecepta circa sepulturam defunctorum aliasque legis observantias, libellus brevis, & ineptus. Refert fabulam de Angelo percussore levante gladium in aqua prostante in domo mortui. Ad haec volumen Epistolarum inventum in manu cujusdam Hispani, inquit Titulus, in eo paradigmata Epistolarum exponuntur ad usum juvenum discentium & sunt numero 112. de quovis argumento. Huic nectitur commentarius brevis de constructione carminis Hebraïci; ad haec exordia, & prooemia, quibus uti liceat scribenti ad viros cujusvis gradus, & dignitatis, & alia usurpanda occasione festorum currentium. Cod. imp. Venet. cum praefatione R. Scelomo filii Samuelis. Sequuntur arcanum captivitatis, expositio literalis, Libri R. ut R. Isahak Hacohen F. Joseph. Item. Liber gestorum in quo ad confirmanda varia Ethica dictata afferuntur plura exempla ex penuario Hebraeorum depromta Ferrariae an. 312. In eodem iter viarum scientiae. Grammatica Moysis Kimchi F. Joseph, & fratris D. Kimchi cum scholiis Eliae Levitae Germani, cod. msc. sed olim editus Romae, & cum versione Latina Basileae a Munstero.
  [+]

  Conservation : Firenze, BML, ms. Plut. 02.39 (image)

  Attestation :

• item 39. XL. Decerpta ex Talmud, cod. Hebr. in-octavo msc.
  [+]

  Conservation : Firenze, BML, ms. Plut. 02.40 (image)

  Attestation :

• item 40. XLI. Liber lucis, titulus exterior corrigendus. Tractatus Kabalisticus de nominibus Dei, vide supra numero XXXVII. scriptus an. 5086. a creatione. In eodem volumine ex-{248}positio literalis currus, commentarius in primum caput Ezechielis cum paraphrasi Chaldaea Jonathan b. Uzielis. Sequitur Janua mysteriorum expositio Kabalistica super psal. 19. R. Theodori Levitae, msc. Habes aliud exemplar in Biblioth. Vaticana. Item Porta justitiae, Tractatus de usu matrimonii; & alter de mysteriis Kabalae, & aliae quaestiones de spiritibus, de oratione, de embolismo, de poenitentia, de oblatione, de vestibus sacerdotalibus, cod. Hebr. msc. in-quarto. Absolvi haec omnia, inquit Amanuensis, cujus nomen de industria deletum est, mense Thebet anno 381. min. supp. a creatione.
  [+]

  Conservation : Firenze, BML, ms. Plut. 02.41 (image)

  Attestation :

• item 41. XLII. Codex Hebr. in quo continentur varii tractatus alia, atque alia manu exarati, atque in unum volumen compacti, primus Porta Coeli, fragmentum R. Abraham Abenesrae de aquis, quae super coelos sunt, de Angelis, & eorum substantia, & immaterialitate, de materia coelorum, eorumque incorruptibilitate, brevissime, & per lemmata, sequitur tractatus prolixus, in 11. capita distinctus sine titulo, sed apparet ex contextu quod sit fundamentum legis, tractatus insignis, & doctus ejusdem, ad quem spectare potest praecedens fragmentum; in hoc ex professo de Masorae & Gamarae authoribus, aliisque argumentis ad legem spectantibus. Ad marginem habes doctas adnotationes anonymi, ex quibus, tum etiam ex ipso contextu, ostenditur authorem hunc tractatum scripsisse in Anglia.
  • item 1. Fundamentum Arithmeticae, in quo explanantur hujus scientiae principia, in quinque gradus dividitur tractatus brevis ejusdem Abenesrae.
  • item 2. Quaestiones propositae ipsi a quodam David b. Joséph Narbonensi, quarum solutionem rescribit hic idem Abenesra.
  • item 3. Aenigmata, & parabolae ejusdem, item fragmentum in titulum Proverbiorum Salomonis, & ejusdem libri Synopsis.
  • item 4. Commentaria in Allegorias Abenesra, seu in expositionem Allegoricam ejusdem in aliquas parascias, seu sectiones Pentateuchi, ad haec:
  • item 5. Comment. in libr. Abenesrae de arcano formae literarum, tractatus plane Kabalisticus, de quo haec in titulo Amanuensis nota. Inveni hoc supra in parte 3. ex scriptura illius sapientis Eliezer de Norcia. Hic est commentarius Sefer Tomunat illius sapientis Abenesrae; ex quibus an hic commentarius adjudicandus sit ipsi Eliezer, lectori judicium esto. Item:
  • item 6. Tractatus de nomine glorioso, & terribili illius sapientis Abebesteir Hispani ad Isahak ben Juda principem, & ad Abraham ben Chaiim.
  [+]

  Conservation : Firenze, BML, ms. Plut. 02.42 (image)

  Attestation :

• item 42. XLIII. Expositio in parascias Legis, seu Pentateuchi, sunt autem Parasciae, seu sectiones Pentateuchi 54.
  [+]

  Conservation : Firenze, BML, ms. Plut. 02.43 (image)

  Attestation :

• item 43. XLIV. Gemmae electissimae, lapis Lydius, obligatio cordium, omnia in unum compacta volumen: vide singula suis locis, ad haec Epistola probationis, seu examinationis saeculi R. Ab Abonith. Agit de vanitate saeculi. Excusa Venet. an. 306. Ibidem, & eodem anno reliqua impressa sunt, sed obligatio cordium anno 308.
  [+]

  Conservation : Firenze, BML, ms. Plut. 02.44 (image)

  Attestation :

• item 44. XLV. Expositio in librum Job, cui nectitur fragmentum in primum caput Geneseos. Sequitur Epistola Didascalica Ethica R. Judae b. Sciaul Aben Tabbun ad filium suum Samuelem de Oeconomia, msc. Hebr. in-quarto. Hujus Samuelis libellum de unitate Dei, & alium de resurrectione mortuorum ex Arabico Majemonidis in Hebraïcum conversum habes in pluteo primo.
  [+]

  Conservation : Firenze, BML, ms. Plut. 02.45 (image)

  Attestation :

• item 45. XLVI. Carmina de regimine corporis, & animae. R. Scem Thou bar Joseph b. Palkerae libellus Ethicus, & Medicus, in quo aliam Epistolam Didascalicam scripsisse se dicit, quae fuit impressa Pragae: cur haec in eadem editione praetermissa fuerit nescio, nec alibi editam scio. Epistola supradicta de regimine corporis, & animae in 16. cap. dividitur, in quibus praescribit regulas tuendae valetudinis.
  • item 1. In eodem volumine carmen de spiritu Aben Esrae, in quo sapientem alioquin auctorem plane desipuisse videtur. Ut enim olim Lucianus Lucernarum in coelo nocturna comitia, & conversationes finxit; sic iste animarum, quae nocturno tempore caelum conscendentes, hominum actiones Angelis referant. Hic tamen a suis Judaeis Chacam, hoc est, κατ᾿ ἐξοχὴν Sapiens, appellatur. Sanior Libellus, qui sequitur in eodem volumine:
  • item 2. Lauda anima mea, R. Bechai b. R. Joseph. Colloquium inter autorem, & animam suam, in quo proposita severitate divini judicii eamdem ad meliorem frugem adducit. In eodem volumine.
  • item 3. Scutella argentea R. Joseph Hazovi poëtae insignis Hispani, carmen egregium, in quo docet filium suum nuper uxoratum domui suae bene praeesse, & suorum domesticorum curam habere: continet 113. versus metricos ad numerum Siclorum, quos ponderasse docet Liber numer. cap. 7. vers. 13. Scutellam argenteam a Nachason oblatam.
  [+]

  Conservation : Firenze, BML, ms. Plut. 02.46 (image)

  Attestation :

• item 46. XLVII. Epistola viarum mundi, seu saeculi, Liber Geographiae universalis ex nostris Autoribus collectus a R. Abraham b. Mordachaï Avenionensi cognomento Perysul. Ab his tamen non semel deflectit, & in fabulas dilabitur quas ex itinerario R. Benjamin hausit. Insignis est illa de regno Israëlitarum in partibus interioribus Africae, & flumine Sabbathio, & ut ipse scribit Sambathio, & de politia 10. Tribuum, quas Salmanasar Rex Assyriorum in captivitatem duxit, & ut ipse ait Alexander Magnus intra portas Caspias altissimo muro conclusit. Cod. manuscrip. sed olim editus Ferrariae.
  [+]

  Conservation : Firenze, BML, ms. Plut. 02.47 (image)

  Attestation :

• item 47. XLVIII. Pars altera Libri Zohar cum adnotationibus Latinis, usque ad finem totius operis. Sequitur Liber Cosri tractatus ingsinis; Arabice primum scriptus fuit ab Isahaco Alsangiari (perperam alii Almangari,) Sangiar autem Urbs celeberrima in Mesopotamia & ab Ulug Beigo in tabulis Geographicis in eadem Regione collocatur in latitudine gradus 36. & longitudine gradus 76. deinde Hebraïce redditus est a celebri Arabicorum operum traductore R. Juda Aben Tabbun. Dialogus doctus inter Regem Cozri, & Judaeum, qui Chaver, hoc est sapiens, dicitur, & Regi Cozri Judaïcae religionis articulos suadere nititur, ac tandem persuadet. Editus fuit a Jo. Buxtorsio filio cum notis, quas illi ministrarunt variorum in eumdem dialogum scholia. Nota interim nomen Chozri non Per-{249}sarum Regem indicare, ut idem Buxtorfius credidit, & alii ejus autoritate ducti, sed quorumdam Tartarorum, quorum regio Geographis Arabum dicitur Chozr, aut Chozar, ejusque regionis incolae Chozr, aut Chozari: de quibus agit autor libri, Elenchi mirabilium Albupheda Apamea Princeps, & in suo Canone Abu Richan Albaïruti, non Albiruni, ut male Bravius in praefat. ad lectorem in binas Tabulas Geographicas, unius puncti defectu allucinatus. Birun enim portentum est, non nomen. Bairus vero est Urbs Phoeniciae Maritimae, quae antiquis Beritus celebre emporium, & sapientum tum Graecorum, tum Arabum Licaeum. In Tabulis Persicis Nosair Altusaei legitur Belengiar est sedes Regis Chozr in latitudine gr. 46. 30. longitudine gr. 85. 20.
  [+]

  Conservation : Firenze, BML, ms. Plut. 02.48 (image)

  Attestation :

• item 48. XLIX. Conciones, seu Homiliae in Pentateuchum anonymi: cod. Hebr. manuscrip. in-quarto.
  [+]

  Conservation : Firenze, BML, ms. Plut. 02.49 (image)

  Attestation :

• item 49. L. Visio dura R. Isahac Arama, cod. Hebraïcus impres. Sabionetae an. 5312. vide supra.
  [+]

  Conservation : Firenze, BML, ms. Plut. 02.50 (image)

  Attestation :

• item 50. LI. Expositio literalis in Ecclesiasten. Commentarius prolixus anonymi. Huic nectuntur dissertationes duae de intellectu agente, & passibili, cujus aliud exemplar extat in Biblioth. Vaticana.
  [+]

  Conservation : Firenze, BML, ms. Plut. 02.51 (image)

  Attestation :

• item 51. LII. Ordo precum, seu, Εὐχολόγιον & ἀνθολόγιον Hispanum, in quo impia quaedam contra Christianam Religionem in Officio diei Purim. Sequuntur in eodem vol. capitula Patrum; de his vide supra cod. Hebr. manuscrip.
  [+]

  Conservation : Firenze, BML, ms. Plut. 02.52 (image)

  Attestation :

• item 52. LIII. Altera pars Libri Zohar, cui nectitur liber candidus, de quibus supra. Item:
  [+]

  Conservation : Firenze, BML, ms. Plut. 02.53 (image)

  Attestation :

• item 53. Tractatus de punctis anonymi opus inextricabile, & irremeabilis error. Syrus auctor tractans hoc idem argumentum nuncupavit Librum hunc, Rete punctorum profecto adeo prolixus, adeo irregularis, & varius est totus iste apparatus punctuationis Orientalium, Hebraeorum inquam, & Syrorum, ut rete quoddam merito dici possit ad laqueum, & torturam discentium excogitatum.
• item 54. LIV. Synopsis Legum Imperatorum Sinensium, cod. impressus Sinicus.
  [+]

  Conservation : Firenze, BML, ms. Plut. 02.54 (image)

  Attestation :