Pluteus primus a parte anteriori.

• item 1. I. Biblia Hebraea impressa, in folio, nota impressionis cum prima pagina excidit.
  [+]

  Conservation : Firenze, BML, ms. Plut. 01.01 (image)

  Attestation :

• item 2. II. Elias Mizrachi, seu Orientalis Rector Synagogae Constant. in commentarium Rasci super Pentateuchum, opus commendatum a Judaeis, in quo una cum sacri textus expositione, obscura traditionum Hebraïcarum loca elucidantur. Impressus Venet. in folio anno minoris supputationis 287. Christi 1527. Supputatio enim minor Hebraeorum incipit anno Christi 1240.
  [+]

  Conservation : Firenze, BML, ms. Plut. 01.02 (image)

  Attestation :

• item 3. III. Psalterium Graecum, Hebraeum, Arabicum, Chaldaïcum & cum tribus interpretationibus Latinis; impressum in folo Genuae anno 1516.
  [+]

  Conservation : Firenze, BML, ms. Plut. 01.03 (image)

  Attestation :

• item 4. IV. Mirchebeth hamischene currus secundarius tit. ex Genesis cap. 41. v. 43. Commentarii absolutissimi in Deuteronomium R. Isaac Avravanelis ben-Judae.
  [+]

  Conservation : Firenze, BML, ms. Plut. 01.04 (image)

  Attestation :

• item 5. V. Commentarius in Ecclesiasten R. Samuelis b. Tabbun, codex bonus eleganter scriptus in pergameno: sensum literalem plerumque persequitur, atque inde ad moralem deflectit. Auctor comendatus a Maimonide, & ab aliis Judaeis, eidem Maimonidi suppar. Hic Comment. a censoribus codicum Hebr. praetermittitur, quare ineditum puto. Incipit, Fructus justi arbor vitae. Langius existimavit hunc esse titulum libri, eo quod literis majusculis exaratum viderit. Sed omnino principium est, ut ex contentu evidenter patet; & idcirco a librario literis capitalibus descriptum, quod semper in principiis novi argumenti observat. At fortasse idem, & principium, & titulus est, ut in Libris Pentateuchi, etsi id asserendum nulla ex codice ratio convincat. Cod. Hebr. in perg. in fol. min.
  [+]

  Conservation : Firenze, BML, ms. Plut. 01.05 (image)

  Attestation :

• item 6. VI. Excerpta ex Manuscriptis & Comment. Abenesrae in Pentateuchum: Totum edidit Bombergius, sed multis in locis depravatum: Latini juris fecit Conradus Pelicanus.
  [+]

  Conservation : Firenze, BML, ms. Plut. 01.06 (image)

  Attestation :

• item 7. VII. Liber Kabalae continet Historiam Seniorum per quos Kabbala, seu traditio accepta a Moyse propagata est ad posteros. Codex bonus, ex quo multa ad eruditionem Hebraïcam conferri possunt: Auctor scribitur Abraham Levita; est ille Abraham Levita ben David, qui Kabalam Historicam scripsit, citaturque saepe a Jo. Buxtorfio in Commentario Masorethico. historico. Cod. manuscrip. in membrana in quarto.
  [+]

  Conservation : Firenze, BML, ms. Plut. 01.07 (image)

  Attestation :

• item 8. VIII.
  • item 1. Explicatio operis quadrigae R. David bar Joseph Kimchi. Explicat primo quid per currum sacri Auctores intellexerint. Ubi de Prophetia & Prophetis in genere, deinde procedit ad particulares visiones in quibus Deus Prophetis in curru apparuisse dicitur, ubi de celebri visione Ezechielis. Comentarius brevis est.
  • item 2. Sequitur Tractatus ejusdem Historia Berescit, seu in Hexameron ubi de caelo, & mundo, & elementis Commentarius, Philosophicus.
  • item 3. {240}Sequitur alius Tractatus, prolixior antecedentibus, de Anima; qui tamen nomen Davidis non praefert; in hoc agitur de anima & ejus potentiis, & operationibus, philosophica methodo: Dividitur in undecim capita. His nectuntur alia Fragmenta in hoc unum volumen compacta, duo de Legibus, tertium de Deo & ejus attributis. In fine Tabula Astronomica ubi de annis hammehubbarim, seu embolismi, numero aureo, de Neomeniis, & quatuor Sectionibus. Sunt tredecim tabulae, inquit titulus, quas scripsit Magister noster Nachsciun, & continent Cyclum Lunarem. Tabula scribitur anno 5313. a creatione mundi, & anno 377. a consummatione operis.
  [+]

  Conservation : Firenze, BML, ms. Plut. 01.08 (image)

  Attestation :

• item 9. IX. Ezechiel, & 12. Prophetae minores Hebraïce, codex eleganter, & nitide descriptus in membr. in quarto, venerandae antiquitatis; pars Zachariae, & Malachias totus exciderunt, titulus exterior corrigendus qui Danielem habet.
  [+]

  Conservation : Firenze, BML, ms. Plut. 01.09 (image)

  Attestation :

• item 10. X. Psalterium Armenum manuscrip. in fol. min. Armenice.
  [+]

  Conservation : Firenze, BML, ms. Plut. 01.10 (image)

  Attestation :

• item 11. XI. Evangelium Armenum manuscrip. in fol. minori Armenice.
  [+]

  Conservation : Firenze, BML, ms. Plut. 01.11 (image)

  Attestation :

• item 12. XII. Psalterium Syriacum editionis quam apud viduam Hiericuntinam repertam Origenes quintam vocat, inquit Gregorius Barhebraeus. Eamdem contuli cum Hebraïco, & textu Septuaginta, & cum neutro convenire deprehendi. Psalterio nectuntur Cantica Veteris & Novi Testamenti, & aliae preces dicendae in quadragesima. In fine carmen S. Ephrem de amne sapientiae, quod Ger. Vossius edidit tomo secundo operum ejusdem S. Doctoris. Codex optime scriptus charactere Maronitico, & antiquitatis non comtemnendae, quam his verbis notavit Amanuensis: Finem habuit liber hymnorum David anno 162. Alexandri, scriptus ab Hausciab Peccatore in Monasterio Benedicto Kizchajae. Hoc Monasterium est in monte Libano in Dioecesi Tripolitana.Dividit Psalmos in Phetgome, seu Sententias, unde primus Psalmus habet 14. Sententias. Secundus 28. & sic de reliquis. Manuscrip. inquarto.
  [+]

  Conservation : Firenze, BML, ms. Plut. 01.12 (image)

  Attestation :

• item 13. XIII. Missale Romanum cum suo Calendario ex Latino in Armenum conversum a Gregorio Archiepiscopo Armeno: Illum Gregorium esse puto, qui anno 1512. Armenorum Archiep. Romae creatus fuit; hunc ille codicem scripsit fortasse ad usum suae Ecclesiae Naxivanensis in Armenia, quae Latinum ritum sequi coepit circa 1318.
  [+]

  Conservation : Firenze, BML, ms. Plut. 01.13 (image)

  Attestation :

• item 14. XIV. Liber Esther Hebr. manuscrip. in 16.
  [+]

  Conservation : Firenze, BML, ms. Plut. 01.14 (image)

  Attestation :

• item 15. XV. Liber Compositionum. Hebr. Operis Auctor R. Emmanuel ben Salomonis Beneventanus; expositio in Prov. Salomonis hanc ille distinxit in 28. Compositiones. Quibus Ethicam omnem complectitur. Liber docto lectore dignus, impressus in quarto.
  [+]

  Conservation : Firenze, BML, ms. Plut. 01.15 (image)

  Attestation :

• item 16. XVI. Psalterium Hebraïcum impressum, in decimo sexto.
  [+]

  Conservation : Firenze, BML, ms. Plut. 01.16 (image)

  Attestation :

• item 17. XVII. Figura terrae, Tractatus Physico-Mathematicus de coelo, mundo, & elementis; dividitur in 10. capita. Pars ultima magni operis Astronomici insignis inter suos Mathematici Abraham b. Chaja; hic tractatus nondum impressus, nec alter de musica; reliqui prodiere Basileae Lat. & Hebr.
  [+]

  Conservation : Firenze, BML, ms. Plut. 01.17 (image)

  Attestation :

• item 18. XVIII. Psalmi, proverbia Job, & Daniel. Hebr. in 16.
  [+]

  Conservation : Firenze, BML, ms. Plut. 01.18 (image)

  Attestation :

• item 19. XIX. Dialogus filii Regis, & Naziri, ex Graeco in Arabicum olim conversum, Hebraïcum fecit Abraham Archirabbinus Barcinonensis ben Chasdai, Liber ethicus & Graeca Sapientia dignus, cod. manuscrip. olim editus, vide inferius.
  [+]

  Conservation : Firenze, BML, ms. Plut. 01.19 (image)

  Attestation :

• item 20. XX. Megillat Esther. Historia Esther Hebraïce optime scripta sine punctis, in octavo oblongo.
  [+]

  Conservation : Firenze, BML, ms. Plut. 01.20 (image)

  Attestation :

• item 21. XXI. Supercommentarius in Commentarium Abenezra in Legem R. Samuelis Mothoth. Hebr. in quarto, Venetiis an. 314. min. supputationis apud Bombergum.
  [+]

  Conservation : Firenze, BML, ms. Plut. 01.21 (image)

  Attestation :

• item 22. XXII. Tractatus Philosophici de accidente, de oppositis, de imagine quae apparet in speculo, cujusdam fratris Germani, cujus nomen non indicatur. His nectuntur alii Aegidio inscripti: primus de divisione praedicamentorum, alter de regimine mulierum physicus: ad haec tractatus prolixus ejusdem, cujus titulus Historia Genesis, in quo de causa prima, de anima rationali, & ejusdem operationibus, & habitibus; hinc de ipsius elevatione ad cognitionem supernaturalem, ubi de prophetia; qua occasione explicantur quamplurimae visiones Prophetarum, praecipue. Moysis, Isaïae, Zachariae, Manue patris Samsonis. Haec ultima fere sunt R. Judae ben Moysis filii Danielis, qui supradictos tractatus collegit, & Hebraïce edidit; codex eleganter scriptus in Perg. in quarto.
  [+]

  Conservation : Firenze, BML, ms. Plut. 01.22 (image)

  Attestation :

• item 23. XXIII. Psalterium Arabicum, titulus exterior corrigendus, qui habet Chaldaïcum; editionis Melchitarum, nempe Christianorum Syrorum, qui in utraque Phoenicia sunt, & ritum Graecorum sequuntur. Hanc adornavit Theodulus Aben Alfathl Diaconus Antiochenus quingentis abhinc annis, ejusque autographum extat Damasci in Syria. Cum textu Septuaginta ferè concordat; adjecta ad haec Cantica 10. Veteris & Novi Testamenti hoc additamentum habes fere in omnibus Psalteriis Orientalium Syriaco, Arabico, Aetiopico, & Armenico.
  [+]

  Conservation : Firenze, BML, ms. Plut. 01.23 (image)

  Attestation :

• item 24. XXIV. Liber Esther Manuscrip. in quarto Hebr. multa exciderunt.
  [+]

  Conservation : Firenze, BML, ms. Plut. 01.24 (image)

  Attestation :

• item 25. XXV. Psalterium Aethiopicum quod Johannes Potken, qui illud edidit Chaldaïcum vocat; sed male. Nam etsi lingua Aethiopica cum Chaldaïca conveniat, alia tamen est, & ab eadem magis diversa, quam Hebraïca, aut Arabica.
  [+]

  Conservation : Firenze, BML, ms. Plut. 01.25 (image)

  Attestation :

• item 26. XXVI. Aba Achmad in analytica Aristotelis interprete R. Mose ben Tybbun, ut indicat alius manuscrip. a Plantavitio notatus in Bibliotheca Medicaea de urbe; etsi loco Abu Achmad Abu Chamad legat; sed idem omnino est, ut aperte ex nostro codice colligitur, in quo utroque modo appellatum invenio. Arabes tamen constanter Abu Achmad dicunt, quos nos secuti sumus, hic est celebris ille Algazelus inter Doctos Arabas insignis, qui plurima alia Arabice scripsit, quae deinde Hebraïcam & Latinam civitatem meruerunt, ut videre est inferius. Sequitur alius Arabs Aben Rasciab vulgo Averroës in Porphyrii Isagogen, & categorias Aristotelis, sed & in {241}libros περὶ ἑρμηνείας Anonymo interprete, & in libros Topicorum, quos a quodam Hispano in Hetruria Hebraïcos factos fuisse notavit Bartoloccius, ex quo hic multa adnotata invenies. Redit Abu Achmad, de anima vegetativa, inquit titulus, sensitiva, & humana, tractatus prolixus, philosophicus, huic nectitur disputatio de unitate Dei, in qua Christianos mordet auctor R. Samuel ben Tybbun, cui subjungitur libellus de resurrectione mortuorum sine nomine auctoris, sed est R. Moses Aegyptius eodem Samuele interprete ex Arabico in Hebraïcum; codex in quarto in papyro, charactere parum eleganti.
  [+]

  Conservation : Firenze, BML, ms. Plut. 01.26 (image)

  Attestation :

• item 27. XXVII. Εὐχολόγιον Hispanum, seu potius hymni sacri ad idem Euchologion spectantes, horum auctores sunt R. Judas Hallevi ben Samuelis Hallevi celebris poëta Hispanus Abrahamo Abenesrae suppar, R. Isaak b. Gheat b. R. Judae Cordubensis Archisynagogus, Moyses Abenezra, & R. Salomon b. Ghebirol; codex msc. in-quarto, sed olim impressus cum toto Euchologio Hispano Venetiis.
  [+]

  Conservation : Firenze, BML, ms. Plut. 01.27 (image)

  Attestation :

• item 28. XXVIII. Codex continens sequentes tractatus.
  • item 1. Historia eorum, quae acciderunt R. Jehusciah b. Levi, ubi de morte ejusdem fabella lepidissima. Homilia in librum Esther. Sermo de oratione, in quo septem ejusdem impedimenta explicantur. Sermo de lege, alius in fabulas Talmud. Sermo de vita Moysis: alter de morte Aharonis. Libri Tobiae, & Zorobabelis.
  • item 2. Legatio legis Aethiopiae ad summum Pontificem, in qua multa Christiano nomini injuriosa conficta sunt, ex officina R. Hedalis Aben Sahiia hic inserta: hanc eamdem habes numero 47. plutei sequentis. Sermo in Oseam. Sequitur dialogus ethicus doctus, & sanus filii Regis, & Naziri, interprete Abrahamo bar Chasdai. Quem supra habes n°. 19. in cod. msc. charactere antiquo Hispano: omnia in hoc impressa, quantum colligi potest ex forma characterum, Constantinopoli, nam editionis nota excidit.
  [+]

  Conservation : Firenze, BML, ms. Plut. 01.28 (image)

  Attestation :

• item 29. XXIX. Comment. in capitula Patrum. Tractatus Talmudicus in codice nono quarti ordinis Nezikin. Continens Apophthegmata seniorum ad mores componendos, & legis observantiam conducentia, in sex capita distinctus. Haec omnia commentario illustrat author Judas b. Samuel Lerma: corrigendus itaque titulus exterior, qui Abarbanelem habet, cod. Hebr. in quarto impressus Venetiis anno min. supput. 313.
  [+]

  Conservation : Firenze, BML, ms. Plut. 01.29 (image)

  Attestation :