AUTRES LIVRES DECLAIREZ OU CHAPITRE COMMANÇANT OU IIIc XXXIe FUEILLET DUDIT LIVRE DESDIZ COMPTES PRECEDENS.

• item 1. 953. Item, un livre d’Ethiques 1commentaireCab. des man., t. III, p. 183 (n° 150)., escript en françoys, de lettre de fourme ; et au commancement du second fueillet a escript : en puet l’en ; couvert de veluiau vermeil, à deux fermouers d’argent dorez, esmaillez, l’un d’une Nostre Dame, et l’autre de la Magdalene, et V boullons de mesmes sur chascune aiz ; lequel livre Bureau de Dampmartin, bourgois et marchant de Paris, a fait faire par le commandement de Monseigneur.
  [+]

  Conservation :

  Attestation : S G, n° 1117, prisé XXX liv. t.

• item 2. 954. Item, un romans qui parle des Quatre filz Haymon 2commentaireCab. des man., t. III, p. 192 (n° 269). Sur Jean Flamel, secrétaire du Duc, et les notes dont il a enrichi les manuscrits de son maître, consultez le même ouvrage, t. I, p. 58, 61 (note), 69, et t. III, p. 192, 311, 339. M. Delisle a donné, dans l’album paléographique qui accompagne son livre, un spécimen de l’écriture de Flamel qui fut certainement un des plus habiles calligraphes de son temps., de Rollant et Olivier et pluseurs autres, escript de lettre de court ; et au commancement du second fueillet a escript : pour aller à Paris ; couvert de cuir rouge empraint, à deux fermouers de laton et V boullons de mesmes sur chascune aiz ; lequel Monseigneur achata de maistre Jehan Flamel, son secretere, le pris et somme de XXX frans.
  [+]

  Conservation :

  Attestation : S G, n° 1118, prisé XV liv. t.

• item 3. 955. Item, un livre appellé les Croniques de Burgues 3commentaireCab. des man., t. III, p. 191 (n° 254)., escript en françoys, de lettre de court, bien historié et enluminé ; et au commancement du second fueillet après la table et le prologue d’icellui a escript : car elles furent composées ; couvert d’un drap de soye ouvré à fueillages rouges et blans sur un champ bleu, et fermant à deux fermouers de laton, et V boullons de mesmes sur chascune aiz ; lequel livre Monseigneur achata, le XXIXe jour d’octobre mil CCCC et VII, la somme de VIIIxx escus d’or comptans. Iste tres partes accolate [953-955] reddite fuerunt Parisius per dictum Robinetum executoribus. Et ideo de eisdem acquittatur idem Robinetus.
  [+]

  Conservation :

  Attestation : S G, n° 504, prisé C liv. t.

• item 4. 956. Item, un livre escript de lettre de fourme 4commentaireCab. des man., t. III, p. 192 (n° 277)., ouquel est le Romans de la Rose, le Livre de la Violete, le Livre de la Penthère et le Testament maistre Jehan de Mehun, bien historié et enluminé de blanc et de noir ; et au commancement du second fueillet a escript : que j’oy près 5commentaireLe manuscrit S G porte après, au lieu de près. ; couvert de drap d’or, à deux fermouers d’argent dorez, esmaillez, l’un d’un demi ymaige de Dieu, et l’autre d’un demi ymaige de Nostre Dame tenant son enffant ; lequel livre Monseigneur a achaté la somme de VIxx escus d’or comptans. Reddita fuit ista pars, ut supra.
  [+]

  Conservation :

  Attestation : S G, n° 505, prisé L liv. t.

• item 5. 957. Item, un grant Livre des VII Ars 6commentaireCab. des man., t. III, p. 191 (n° 257). Voir la note du duc de Berry, reproduite par M. Delisle., en latin, escript de lettre de fourme, et commance au livre de Priscian, de l’Art de gramaire, très bien historié et enluminé ; et au commancement du second fueillet a escript : quamvis contractum ; couvert de cuir rouge empraint, fermant à quatre fermouers d’argent dorez, esmaillez aux armes de Monseigneur, et par dessus a une chemise de drap de soye bleu ouvré à oiseaulx et autres choses, doublée de tiercelin rouge ; lequel livre avoit autrefoiz esté de Monseigneur et a esté recouvré apres le trespas de feu monseigneur d’Orléans à qui mondit Seigneur l’avoit donné.
  [+]

  Conservation : London, BL, Burney 275 [images]

  Attestation : S G, n° 1119, prisé LXXV liv. t.

• item 6. 958. Item, une belle Bible en latin 7commentaireCab. des man., t. III, p. 171 (n° 3)., escripte de lettre boulonnoise, bien historiée et enluminée d’ouvraige romain ; et au commancement du second fueillet a escript : sponditque ; et par dessus les fueilles a escuçons pains aux armes de feu pape Clement de Geneve et de celles de Monseigneur ; couverte de veluiau vermeil brodé, fermant à quatre fermouers d’argent dorez, esmaillez aux armes de Monseigneur, et par dessus une chemise de drap de damas bleu, doublé de tercelin vermeil ; laquelle Bible avoit autrefoiz esté de Monseigneur, et semblablement a esté recouvrée après le trespas de feu mondit seigneur d’Orléans à qui mondit Seigneur l’avoit donnée. Iste due partes [957-958] reddite fuerunt Parisius per dictum Robinetum, ut supra.
  [+]

  Conservation :

  Attestation : S G, n° 1120, prisé IIIc LXXV liv. t.

• item 7. 959. Item, un livre compilé de pluseurs balades et dictiez 8commentaireCab. des man., t. III, p. 193 (n° 291). Voy. aussi Gazette des Beaux-Arts, article déjà cité, n° 24. Les premiers ouvrages de Christine de Pisan, composés de ballades, lais, virelais et rondeaux, et diverses autres poésies, avaient reçu de l’auteur le nom de Dictiez., fait et composé par damoiselle Cristine de Pizan, escript de lettre de court, bien historié et enluminé ; et au commancement du second fueillet, après la table dudit livre, a escript : tous mes bons jours ; couvert de drap de soye noir ouvré, à deux fermouers de cuivre dorez, à V boullons de mesmes sur chascune aiz ; lequel livre Monseigneur a achaté de ladicte damoiselle IIc escus.
  [+]

  Conservation :

  Attestation : S G, n° 506, prisé L liv. t.

• item 8. 960. Item, unes belles Heures 9commentaireCab. des man., t. III, p. 179 (n° 100). — Ce manuscrit appartient aujourd’hui à M. Edmond de Rothschild. Voyez l’article de M. Delisle dans la Gazette des Beaux-Arts (1884, I, 399-400) et les Mélanges de paléographie et de bibliographie du même auteur. (Paris, Champion, 1880, in-8°), p. 283-293., très bien et richement historiées ; et au commancement est le kalendrier, bien richement escript et historié ; et après est historiée la Vie et Passion de Saincte Katherine ; et ensuivant sont escriptes les quatre Euvangiles et deux oroisons de Nostre Dame ; et après commancent les Heures de Nostre Dame, et s’ensuivent pluseurs autres heures et oroisons ; et au commancement du second fueillet desdictes Heures de Nostre Dame, a escript : audieritis ; couvertes de veluiau vermeil, à deux fermouers d’or, esquielx sont les armes de Monseigneur de haulte taille ; et par dessus lesdictes Heures a une chemise de veluiau vermeil, doublé de satin rouge ; lesquelles Heures Monseigneur a fait faire par ses ouvriers. Iste due partes [959-960] reddite fuerunt, ut supra.
  [+]

  Conservation :

  Attestation : S G, n° 507 : et ont esté prisées, avecques une pippe garnie d’un fin balay ou milieu, pesant vint caraz, et quatre perles fines rondes entour, pesans chascune quatre caraz, VIIIc LXXV liv. t.

• item 9. 961. Item, unes très grans moult belles et riches Heures 10commentaireCab. des man., t. III, p. 179 (n° 99). — La note de Jean Flamel, inscrite au commencement du volume, est reproduite par M. Delisle. De tous les manuscrits du duc de Berry, celui-ci fut estimé au plus haut prix par les exécuteurs testamentaires. M. Delisle (Gazette des Beaux-Arts, 1884, I, p. 393-397) a fait observer que les grandes miniatures, exécutées par Jacquemart de Hesdin, ont disparu. Les attributs ordinaires du duc de Berry, ours, cigne, initiales V E, sont répétés dans les encadrements de la plupart des pages avec les armoiries du propriétaire., très notablement enluminées et historiées de grans histoires de la main Jaquemart de Hodin et autres ouvriers de Monseigneur, esquelles sont les Heures de Nostre Dame, les sept Pseaulmes, les Heures de la Croix et du Saint Esperit, de la Passion et du Saint Esperit encores, et l’Office des mors ; et au commancement du second fueillet des Heures Nostre Dame a escript : flamme ; couvertes de veluiau violet, et fermans à deux grans fermouers d’or, garniz chascun d’un balay, I saphir et VI grosses perles ; et y a une pipe d’or, où sont atachiez les seignaulx, garnie d’un gros balay et IIII grosses perles ; laquelle pierrerie est d’une chaienne en façon de paternostres et de certains culez qui furent de feu messire Jehan de Montagu, declairez lesdiz chastons en la IIIe partie du IIIc IIe fueillet desdiz comptes precedens, et ladicte chaienne en la première partie du IIIc IIIIe fueillet ensuivant ; et ont lesdictes Heures une grant chemise de drap de damas violet, doublé de mesmes ; lesquelles Heures mondit Seigneur a faictes faire ainsy et par la manière qu’elles sont dessus devisées. Iste Hore reddite fuerunt Parisius per dictum Robinetum executoribus, ut supra.
  [+]

  Conservation : Paris, BNF, lat. 919 [images]

  Attestation : S G, n° 1159, prisé IIIIm liv. t.

• item 10. 962. Item, un petit livre appellé le Dyalogue saint Gregoire 11commentaireCab. des man., t. III, p. 181 (n° 120)., escript en françoys ; et au commancement du second fueillet a escript : loing nous ne veoons ; historié en aucuns lieux ; couvert de cuir rouge empraint, à deux fermouers de laton ; lequel Monseigneur achata de Jehan Colin, le IXe jour de juillet l’an mil CCCC et IX, pour le pris et somme de XV escus d’or. Redditus fuit Parisius, ut supra.
  [+]

  Conservation :

  Attestation : S G, n° 508, prisé LXXV sous t.