DESPENCE DE CEST PRESENT COMPTE
OBSÈQUES ET FUNÉRAILLES [fol. 201 v°] [...]

• item 1. 1commentaireLes exécuteurs avaient besoin du concours de certains grands personnages, et c’est dans le but de gagner leurs bonnes grâces qu’ils disposent de certains objets de la succession (fol. 268). La reine de France, le roi de Sicile, la duchesse de Bourbonnais, le comte d’Armagnac reçoivent chacun une corne d’unicorne entière (voy. nos 722, 525, 327 et 275 du présent Inventaire). Quant au duc de Touraine, il s’y prit d’une autre manière pour obtenir l’objet de ses convoitises. Le passage est curieux : A monseigneur le duc de Touraine, à present daulphin de Viennois, un très bel Breviaire escript de belle lettre de fourme, à l’usaige de Paris, qui fut du Roy, etc., prisé audit inventoire la somme de 160 livres parisis ; lequel Breviaire, par l’ordonnance de mesdiz seigneurs les exécuteurs, fut envoié par Me Pierre Franchomme, chantre de l’église de Paris, audit monseigneur le daulphin, pour icellui veoir et retenir en payant ladite somme de 160 livres parisis ou telle autre somme d’argent à ladite exécution, comme bon lui sembleroit, affin qu’il eust le fait d’icelle envers le nostredit Seigneur, son père, pour recommandé ; lequel mondit seigneur de Touraine, après ce qu’il ot longuement veu et advisé ledit Breviaire, retint icellui par devers lui, et dont il n’a aucune chose paié ne entencion de paier à ladite execution, si comme par les lettres de mesditz seigneurs les executeurs et commis dessudiz, sur ce faictes et données le 23e jour de novembre 1416, avecques recongnoissance et certiffication de ce dudit monseigneur le daulphin, faicte le XXVIIIe jour d’aoust 1417, tout cy rendu, peut apparoir.
  [+]

  Conservation :

  Attestation : n° 512 de l’Inventaire

• item 2. [...] A maistre Jehan Maulin, clerc du Roi nostre sire en sa Chambre des comptes à Paris, et garde de ses livres et librarie, auquel les executeurs ont ordonné estre baillié et delivré pour remectre en la librarie du Roy une très belle Bible en françois, escripte de lettre de fourme, prisée 240 liv. par. ; laquelle Bible le Roy fist piéça bailler à feu mond. Seigneur pour icelle veoir, si comme par ses lettres adreçans à Giles Malet, faictes le 6e jour de novembre 1383, peut apparoir ; pour ce, lad. somme de 300 liv. t.
  [+]

  Conservation :

  Attestation : n° 455 de l’Inventaire

• item 3. A maistre Estienne Bongré, receveur de l’exécucion dudit feu monseigneur le duc de Guienne, auquel les exécuteurs ont ordonné estre renduz et restituez certains livres cy après declérez, lesquelz, après le trespas dud. feu duc de Guienne, avoient esté bailliez aud. feu duc de Berry, c’est assavoir : un livre appelé Terance… prisé en l’inventoire 60 liv. par. — Item, un volume de Breviaire de demi temps, prisé 150 liv. par. — Et il soit ainsi que depuis le trespas dud. feu monseigneur le duc de Berry, les exécuteurs du testament dud. feu duc de Guienne se soient trais par devers les exécuteurs dudit duc de Berry en leur requérant que yceulz livres voulsissent rendre et restituer à eulz ou audit Me Estienne Bongré, pour emploier et convertir au bien et prouffit de ladite exécucion dudit duc de Guienne ; lesquelz livres, après ce qu’ilz ont esté souffisamment informez iceulz compéter et appartenir à ycelle exécucion dud. duc de Guienne, les ont fait rendre et restituer audit Me Estienne Bongré pour les causes dessusdictes… pour ce, 262 liv. 10 sous t.
  [+]

  Conservation :

  Attestation : n° 529 et 561 de l’Inventaire

• item 4. A Pierre Le Fruictier, dit Salmon, secretaire du Roy, auquel les exécuteurs ont volu et ordonné estre baillé et delivré un très bel livre de la Cité de Dieu, lequel livre ledit Salmon avoit jà piéça baillé pour veoir et visiter à feu mondit Seigneur, et a esté trouvé après son trespas entre ses autres livres et prisé en l’inventoire 100 liv. parisis. Et, pour ce, mesdits seigneurs, aprez ce qu’ilz ont esté soufisamment informez icellui livre compéter et appartenir audit Salmon, ont icellui voulu estre rendu et restitué à icellui Salmon, comme sien et à lui appartenant.
  [+]

  Conservation :

  Attestation : n° 509 de l’Inventaire

• item 5. 2commentaireIci manquent, d’après l’ancienne pagination, quatre feuillets ou huit pages. Suit un état de dépenses pour parchemin, papier, écriture et reliure de l’inventaire, pour plumes, encre, huit escritoires garnis de canivets, à 40 sous l’un, le tout destiné aux exécuteurs. [fol. 278.] Enfin, un compte des deniers rendus et non reçus, s’élevant à 45296 liv. 16 sous 30 d. t. se termine par un article bon à conserver [fol. 279 v°] : Pour autres deniers rendus en ladite recepte par l’ordonnance de mesdits seigneurs des comptes en ung autre chappitre subséquent, où est faicte recepte de la somme de 4012 liv. 10 sous t. pour certains biens, joyaulx et livres illec declarez, desquelz ledit commis n’a rien eu ne reçeu, pour ce que en acomplissant par lesdits executeurs une clause escripte ou codicille de mondit seigneur de Berry, contenant que tous les biens qu’il avoit qui appartenoient à feu messire Jehan de Montagu, en son vivant vidame de Laonnois, feussent rendus et restituez à ses héritiers ou ayans cause, iceulx exécuteurs bailleroient lesdits biens en ladite valeur et prisée à maistre Nicolas des Prez, commis pour le Roy au fait de ladite exécucion, pour iceulx garder au prouffit desdits héritiers, comme par un cayer de papier ouquel lesdits biens et joyaulx sont declarez, signé en la fin du seing manuel dudit maistre Nicolas des Prez, cy rendu, appert ; pour ce reprins cy lesdits 4012 liv. 10 sous t.