Sommaire - Beuves de Winville - 1433CollectifElisaLonatiMarie-HenrietteJullien de Pommerol

• Extrait de l'inventaire des biens de maître Beuves de Winville, maître ès arts et bachelier en décret. Prisée de livres faite en 1433.
  • L’an de grace mil quatre cens trente trois, le mardi XIIIe jour d’avril aprés Paques, a la requeste de Jehan Queniat, conseiller du Roy nostre sire en sa court de Parlement, et Giles Houdebin, maistre du college de la Marche fondé à Paris, ou nom et comme executeurs du testament ou ordonnance en derreniere voulenté de feu venerable et discrete personne maistre Beuves de Winville, en son vivant maistre es ars et bachelier en decrets, fu fait inventaire par Guillaume de la Halle et Guillaume Hemonnet, notaires du Roy nostre sire par lui establiz en son chastellet de Paris, de tous biens meubles, lettres, debtes et créances qui appartenoient audit defunt, trouvez en son hostel assis a Paris en la grant rue Sainte-Geneviefve, prés et a l’opposite du college de Laon, jadis nommé l'ostel de Joinville, et légués par lui au colIege de La Marche. … Cy aprés s'ensuivent les livres trouvez oudit hostel, en plusieurs lieux, assemblez et portez en la chappelle dudit hostel, et prisez par Junien de Langlee, l'un des quatre libraires jurez en l’Université de Paris, qui jura de les prisier sans faveur ou amistié, selon le cours du temps, et ce fait, les prisa aux sommes et par la manière qui s'ensuit : Et premierement.